Júrgizýshi kýáligi testisin tapsyrý: qulaqqap qoldanýdyń joly kesiletin boldy

<p>ASTANA. KAZINFORM &ndash; &laquo;Azamattarǵa arnalǵan úkimet&raquo; memlekettik korporatsııasy&raquo; KEAQ mamandandyrylǵan halyqqa qyzmet kórsetý ortalyqtarynda sybaılas jemqorlyqqa qarsy úzdiksiz kúres júrgizip keledi.&nbsp;</p>

«Azamattarǵa arnalǵan úkimet» memlekettik korporatsııasy» BQO boıynsha fılıalynyń baspasóz qyzmetinen málim etkenindeı, júrgizýshi kýálikterine teorııalyq emtıhandardy tapsyrýdyń ashyqtyǵyn qamtamasyz etý úshin buǵan deıin "3.0 JJE" júıesi engizilgen bolatyn. Endi testileý protsesin shýly elektromagnıttik jıiligi tómen sıgnaldardy anyqtaıtyn tehnologııanyń kómegimen de baqylaýǵa bolady.

Ádette júrgizýshi kýáligin alýǵa árbir úshinshi úmitker aılasyn asyryp, teorııany mıkroqulaqqappen tapsyrýǵa tyrysady. Bul olqylyqty boldyrmaý úshin memlekettik korporatsııa olardy anyqtaıtyn arnaıy detektorlar engizdi.

«Mıkroqulaqqaptardyń dıametri 2 mıllımetrden aspaýy múmkin, olardy kórý múmkin emes bolǵandyqtan, biz jıiligi tómen sıgnaldardy anyqtaıtyn júıe engizdik. Ol mıkroqulaqqaptardyń bar-joǵyn birden anyqtap, HQKO operatoryna dereý habarlaýǵa qaýqarly. Sondaı-aq, baǵdarlama avtomatty túrde ekranǵa mıkroqulaqqap tabylǵany jáne testileýdiń toqtatylatyny týraly habarlamany shyǵarady», - dedi «Azamattarǵa arnalǵan úkimet» MK basqarma tóraǵasynyń orynbasary Shyńǵys Orazalımov.

Taǵy bir aıta keter jaıt, kómekshi tehnıkany, úshinshi tulǵalardyń kómegi men keńesterin paıdalanýdyń barlyq faktilerin memlekettik korporatsııa tirkeıdi. Bul rette emtıhan nátıjeleri joıylady. Emtıhanǵa qaıta kirý úsh aıdan keıin ǵana múmkin bolady.

Qazaqstanda JJE 3.0 júıesi engizilgen sátten bastap búgingi kúnge deıin emtıhandy túrli aıla-sharǵymen tapsyrýdyń 222 faktisi anyqtaldy.

Eske sala keteıik, budan buryn Qazaqstanda jer kadastry salasyndaǵy kommertsııalyq qyzmettiń tsıfrlandyrylǵanyn jazǵan bolatynbyz.