Júrgizýshi kýáligin endi elektrondy úkimet portalynan alýǵa bolady
Bul týraly "Ulttyq aqparattyq tehnologııa" AQ baspasóz qyzmetinen habarlady.
Bul jaǵdaıda kólik ıelerine jol polıtsııasynyń tirkeý-emtıhan bólimderine barý qajettiligi joq.
E-úkimet arqyly ótinish berý rásimi qıyn emes: azamat portalda tirkelip, kerekti baǵanalardy toltyryp, skanerden ótkizilgen fotosýretti bekitip, elektrondy tsıfrly qoltańbamen (ETsQ) qol qoıady. Fotosýrettiń talap etilgen parametrlerge sáıkes kelýi óte mańyzdy, áıtpese, ótinish berýshiniń jeke kabınetine sebebin túsindirgen bas tartý habarlamasy keledi.
Onlaın ótinish jiberilgennen keıin, júrgizýshi qujattarymen (basyp shyǵarylǵan habarlama, qyzmet kórsetýdi tólegendiligi jaıly chek, eski júrgizýshi kýáligi, jeke kýálik, psıhıatrııalyq jáne narkologııalyq dıspanser anyqtamalary, №083 medıtsınalyq anyqtama), jańa júrgizýshi kýáligin alý úshin, mamandandyrylǵan HQKO ótýi qajet.
Onlaın ótinishti kýáliktiń jaramdylyq merzimi aıaqtalýǵa jaqyn qalǵan kezde ǵana berýge bolady. Jaramdylyq merzimi ótip ketken kýálikterdi aýystyrý ótinishteri portalda qabyldanbaıdy. Ondaı jaǵdaılarda júrgizýshiler jol polıtsııasynyń tirkeý-emtıhan bólimderine nemese mamandandyrylǵan HQKO-na barýlary tıis.
«Júrgizýshi kýáligin alý» elektrondyq qyzmeti pılottyq rejımde Almaty, Qaraǵandy jáne Aqtaý qalalarynda iske qosyldy. Búgingi kúnde, osy tásilmen 70-ten asa qazaqstandyq ózderiniń kýálikterin aýystyrdy.
Tolyǵyraq aqparatty myna jerden, sonymen qatar, táýlik boıy jumys atqaratyn call-ortalyq mamandarynan 1414 nómiri arqyly bilýge bolady.
Uıaly nemese qala telefondary arqyly qońyraý shalý Qazaqstan boıynsha tegin.