Júreginde aqaýy bar aqtóbelik sábıge koreıalyq dárigerler ota jasady

 AQTÓBE. QazAqparat - Aqtóbe oblystyq densaýlyq saqtaý basqarmasy men «Kangnam Severans» Seýl ýnıversıteti arasyndaǵy memorandým aıasynda 8 aılyq sábıdiń júregine ota jasaldy, dep habarlaıdy QazAqparat tilshisi.  

Aqtóbelik dárigerler Ońtústik Koreıanyń aq halattylarymen birge birneshe jobany qolǵa aldy. Buǵan deıin habarlaǵanymyzdaı, Aqtóbe medıtsınalyq klasterin damytý úshin adam aǵzasyn aýystyrý otasy koreıalyq dárigerlermen birge jasalyp jatyr. Baýyr, búırek operatsııalary jasalyp, eki el arasynda birneshe memorandýmǵa qol qoıyldy. 
Al taıaýda 8 aılyq balaǵa Koreıa gostıtalinde ota jasaldy. Týa bitti júrek aýrýyna shaldyqqan bala qazir ýchaskelik dárigerlerdiń baqylaýyna alynǵan. «Aqtóbe oblystyq densaýlyq saqtaý basqarmasy men Seýl ýnıversıteti arasyndaǵy memorandýmǵa sáıkes asa aýyr dertke shaldyqqan balalarǵa em júrgiziledi. Taıaýda 8 aılyq bala em alyp keldi. Qazir jergilikti dárigerlerdiń baqylaýyna alyndy. Jaǵdaıy qanaǵattanarlyq. Sonymen qatar, memorandým aıasynda medıtsınalyq klasterdiń balalar kardıohırýrgi balanyń ata-anasymen birge Seýlge baryp, tegin tájirıbeden ótip keldi»,- dedi Aqtóbe oblysynyń bas pedıatory Aıgúl Kóshtaeva.