Jumysymyzdy zań shyǵarý turǵysynan ǵana emes, uıymdastyrý jaǵynan da jetildire túsýimiz qajet - Májilis tóraǵasy

A. Qańtardyń 22-si. QazAqparat /Rýslan Ǵabbasov/ - Ústimizdegi jyly Elbasynyń tapsyrmasy boıynsha bizdiń aldymyzǵa ındýstrııaldyq saıasat týraly, ǵylym týraly zań jobalaryn der kezinde qaraý mindeti qoıylyp otyr.

Bul týraly búgin «Nur Otan» HDP-nyń QR Parlamenti Májilisindegi fraktsııasynyń jınalysynda QR Parlamenti Májilisiniń tóraǵasy Oral Muhamedjanov aıtty, dep habarlaıdy QazAqparat.

«Oǵan qosa bıyl elimizde 2014 jylǵa deıin memleketti ındýstrııaldyq-ınnovatsııalyq damytý baǵdarlamasy qabyldanbaq. Ol strategııalyq mańyzdy qujat bizdiń tıisti zańnamalyq baza jasaýymyzdy talap etedi. Sondyqtan qysqa ýaqytta osy bazany jasap shyǵýymyz qajet», dedi O. Muhamedjanov.

Sonymen qatar ol úshinshi sessııa ashylǵan kezde Memleket basshysy Qazaqstannyń 2010 jyly EQYU-ǵa tóraǵalyq etýine oraı zań shyǵarý protsesin birshama jaqsartyp, ony Eýropalyq standarttarǵa barynsha jaqyndata túsýdi tapsyrǵanyn atap ótti. «Ol bizge úlken jaýapkershilikti júkteıdi», dedi Májilis tóraǵasy.

«Joǵaryda atalǵan mindetterdi sheshý úshin biz óz jumysymyzdy zań shyǵarý turǵysynda ǵana emes, uıymdastyrý jaǵynan da jetildire túsýimiz qajet», dedi O. Muhamedjanov.