Jumysy Sharıǵat talaptaryna saı qazaqstandyq kásipkerler Islam bankinen nesıe ala alady

NUR-SULTAN. QazAqparat – «Damý» qory «Al Hilal» Islam bankimen birge balamaly qarjylandyrý tetikterin iske qosady. Bul jaıly tolyǵyraq «Damý» kásipkerlikti damytý qory» AQ memlekettik organdar men ózara áreket etý departamentiniń dırektory Gúlsaıa Zaınelǵabdına aıtyp berdi, dep habarlaıdy QazAqparat tilshisi.

«Bıyl «Damý» qory «Al Hilal» Islam bankimen birge balamaly qarjylandyrý tetikterin iske qosa bastady. Osy jyldyń sáýir aıynda 75 mlrd teńge Islam bankine salyndy. Bul – Islam qarjylandyrýyn ary qaraı damytý maqsatyndaǵy qadam. Bul quraldy damytý úshin saýda mýrabahasy engiziledi. Osylaısha Islam qarjylandyrýynyń kómegimen jobasyn damytqysy keletin kásipkerler – óz jumysynyń reti Sharıǵat talaptary men baǵdarlama sharttaryna saı bolǵan jaǵdaıda nesıe ala alady», - dedi Gúlsaıa Zaınelǵabdına OKQ-da onlaın rejımde ótken baspasóz máslıhatynda.

Aıta ketsek buǵan deıin QR UEM kásipkerlikti damytý departamentiniń dırektory Shyńǵys Ahmetov «Bıznestiń jol kartasy – 2025» baǵdarlamasy men «Qarapaıym zattar ekonomıkasy» baǵdarlamasy bıznes ıelerine memleket qandaı qoldaý sharalaryn kórsetetinin aıtyp bergen edi.