Jumyssyz qalǵan «QazMunaıGaz» qyzmetkeri ótemaqy alady

NUR-SULTAN. QazAqparat – «QazMunaıGaz» kompanııasynan bosap qalǵan 200-den astam qyzmetkerge qandaı kómek kórsetiledi? Bul suraqqa ulttyq kompanııanyń adamı resýrstardy basqarý jónindegi atqarýshy dırektory Dáýletjan Hasanov jaýap berdi, dep habarlaıdy QazAqparat tilshisi.

«QazMunaıGaz» kompanııasynyń ortalyq apparatynan bosap qalǵan qyzmetkerlerdiń 10 paıyzy – bizdiń enshiles kásiporyndarǵa qyzmetke barady. Olardyń karantın sharalary engizilmes buryn enshiles kompanııalardaǵy top-pozıtsııalarda eńbek etetinini sheshilgen. Sonymen birge, biliktiligi joǵary tehnıkalyq qyzmetkerler enshiles uıymdardaǵy ortasha sanattaǵy vakantty pozıtsııalarda jumys isteıdi. Qyzmekterlerdiń qalǵan 90 paıyzy «QazMunaıGaz» júıesinen ketedi», - dedi Dáýletjan Hasanov OKQ-da ótken baspasóz máslıhatynda.

Eńbek naryǵyndaǵy kúrdeli máselege baılanysty «Samuryq-Qazyna» qory jumysynan bosap qalǵan qyzmetkerler úshin «QazMunaıGaz» kompanııasynyń aldyna birshama mindet júktegen.

«Ol qoldaý sharalaryna ótemaqy tólemderiniń paketi kiredi. Birinshiden jumysynan bosap qalǵan qyzmetkerler 3 aılyq eńbekaqy kóleminde biryńǵaı ótemaqy alady. Ekinshiden olarǵa aılyq jalaqysynyń jartysyna teń - taǵy alty aı boıy qarjylyq kómek kórsetiledi. ıAǵnı, bul taǵy úsh rettik aılyq eńbekaqy mólsherinde tólem beriledi degen sóz. Áleýmettik turǵydan qorǵalǵan – jumystan bosap qalǵan qyzmetkerlerge beriletin ótemaqy kólemi – 12 aılyq tólemaqyǵa teń bolady. Úshinshiden bosap qalǵan árbir qyzmetker men onyń otbasyndaǵy adamdar 2021 jyldyń aqpan aıyna deıin kompanııanyń esebinen medıtsınalyq saqtandyrý qyzmetterin paıdalana alady», - dedi ol.

Sonymen birge «QMG»-nyń bosap qalǵan qyzmetkerlerine nesıe berý kezindegi jeńildetilgen paıyzdyq stavka kúshinde qalady.

«Sondaı-aq, olardy jumysqa turǵyzýda da kómek qolyn sozamyz. Personaldyń bosap qalýy – óte kúrdeli jaǵdaı ekenin túsinemiz. Keıbir adam mundaıda tyǵyryqqa tirelip qalýy múmkin. Máselen bir kompanııada jumys istep úırenip qalǵan azamat basqa jerden jumys taba almaı qalýy yqtımal. Bizdiń mindet – olarǵa kómektesý. «Oýtpleısment» atty baǵdarlama arqyly olarǵa karerlik keńesshi bólip, daǵdylary saraptalyp, olardy oqytamyz. Osynyń bári olardy ary qaraı jumysqa ornalastyrýda kómek bolary sózsiz», - dedi ol.

Eske sala ketsek buǵan deıin Dáýletjan Hasanov kompanııada daǵdarysqa qarsy strategııa jasalyp jatqanyn málim etken bolatyn.