Jumysshylaryna 232,5 mln teńgege jýyq qaryzy bar seriktestik jaýapqa tartyldy
«Aqjol» JShS-da 752 jumyskerdiń aldynda osy jyldyń naýryz, sáýir jáne mamyr aılary úshin jalpy somasy 232 mln 449 myń teńge jalaqydan qaryz oryn alǵany anyqtaldy. «Aqjol» JShS ÁQBtK-niń 87-baby 1-tarmaǵyna sáıkes, ákimshilik jaýapkershilikke tartyldy. Tekserý qorytyndysy boıynsha «Aqjol» JShS basshysy atyna Eńbek zańnamasynyń buzýshylyqtaryn joıý boıynsha oryndalýy mindetti nusqama berilgen. Nusqama talabyn oryndatý boıynsha basqarma tarapynan jumys júrgizilýde», - dedi Túrkistan oblystyq eńbek ınspektsııasy jónindegi basqarma basshysynyń m.a. Asqar Seıtqazın.
Túrkistan qalasynyń ákimi Nurbol Turashbekovtyń málimetinshe, «Aqjol» JShS 2017 jyldan beri qosalqy merdiger retinde qala aýmaǵyndaǵy birneshe qurylys jumystaryna qatysyp kelgen. 2021 jyly Qoja Ahmet ıAsaýı atyndaǵy HQTÝ tas jolynan Otyrar móltek aýdanyna baratyn joldyń kúrdeli jóndeý nysanyna qatysty qazirgi tańda sot protsesi júrýine baılanysty qala ákimdigi tarapynan qarjy aýdarylmaǵan. Sot aıaqtalǵan soń, sheshimine sáıkes tólemder júrgiziletin bolady», - dedi shahar basshysy.
«Aqjol» JShS jumysshylaryna jalaqy tóleı almaýynyń negizgi kredıtorlyq bereshegi - qurylys materıaldary qunynyń ósýimen nemese joǵaryda atalǵan JShS-nyń merdiger nemese qosalqy merdiger bolǵan jeke kompanııalarmen baılanysty týyndaǵan.
«Kóterilip otyrǵan máselede «Aqjol» JShS bas merdiger emes, qosalqy merdiger retinde jumystar júrgizgen. Aldaǵy ýaqytta seriktestik ózderiniń atqarǵan jumystaryn bas merdigerge tolyqqandy dáleldep bergen jaǵdaıda aıtylǵan somanyń barlyǵy tólenedi. Bas merdiger men qosalqy merdiger arasyndaǵy máselege aralasý ákimdik quzyryna kirmeıdi. Atalǵan másele sotqa deıingi retteý tártibimen nemese ekonomıkalyq sotta sheshilýge tıis. Mıtıngiler men sherýler mundaı máselelerdi sheshpeıdi», - dedi qala ákimi.
Qalanyń bas prokýrory Jannur Ahmetbek kez kelgen jumys berýshi jumysshylardyń eńbekaqysyn zańmen kózdelgen merzimde tolyq tóleýge mindetti ekenin aıtyp, «Jumys berýshiniń jalaqy tóleýde bireýge silteme jasap, jaltarýǵa quqy joq», - dedi.
Brıfıng barysynda bas merdiger «Capital Construction Projects Kazahkstan» JShS-i ókili Baqytjan Esalıev «Aqjol» JShS-nen 190 mln teńgege oryndalǵan jumystardy salystyryp tekserýge qol jetkize almaǵanyn jetkizdi.
Al ákimshilik ǵımarattardyń biriniń bas merdigeri - «Kontınent Tranzıt» kompanııasynyń ókili Abdýǵanı Abdýkadyr «Aqjol» JShS qosalqy merdigeri ózine alǵan mindettemelerin oryndamaǵanyn jáne qurylys jumystaryn aıaqtamaı ketip qalǵanyn, onymen qoımaı bas merdigerden 150 mln teńge talap etip otyrǵanyn aıtyp otyr.
Aıta keteıik, keshe Túrkistan qalasynda 752 jumysshy jalaqysyn ala almaı otyrǵanyn jazǵan bolatynbyz.