Jumyspen qamtýdyń jol kartasy: Jetisaıda 200-ge jýyq jumys orny ashylady

JETІSAI. QazAqparat - Túrkistan oblysy Jetisaı aýdanynda «Jumyspen qamtýdyń jol kartasy» sheńberinde 65 ınfraqurylymdyq jobany iske asyrýǵa 662 999 myń teńge qaralǵan. Bul jóninde óńirlik kommýnıkatsııalar qyzmetine silteme jasap QazAqparat habarlaıdy.

Osy arqyly 182 jańa jumys ornyn ashý kózdelip, halyqty jumyspen qamtý ortalyǵy arqyly 124 adam eki qolǵa bir kúrek tapqan. Jumysqa ornalasqan azamattardyń eń tómengi jalaqysy - 85 myń teńge.

Búginde 65 jobanyń qurylys jumystary bastalsa, onyń 25-si aıaqtalyp, jospar 61,2 paıyzǵa oryndalyp otyr.

Paıdalanýǵa berilgen 25 jobanyń 22-si áleýmettik, mádenıet jáne bilim salalaryna qatysty nysandarǵa jatady. Onda ǵımarattardyń ishki sanıtarlyq júıeleri jóndelip, ýnıtazdar aýystyrylǵan jáne 2431 shaqyrym jerge aıaqjol tóselgen.

Qalǵan 3 nysan ınjenerlik-kólik ınfraqurylymyna jatady. ıAǵnı, kentishilik jáne aýylishilik joldar qaıta jóndeýden ótkizildi.

Aıta keteıik, memlekettik baǵdarlama aıasynda jumys istep jatqan merdigerler karantın rejımine baılanysty tıisti sanıtarlyq-epıdemıologııalyq talaptardy saqtap, qyzmetkerlerdi jeke qaýipsizdik quraldarymen qamtamasyz etken.