Jumyspen qamtýdyń jol kartasy: Semeıde 4 joba boıynsha 300-ge jýyq jumys orny qurylady
Shyǵys Qazaqstan oblysy ákimdiginde ótken jıynda Semeı qalasynyń ákimi Baqytjan Baıahmetov «Jumyspen qamtýdyń 2020-2021 jyldarǵa arnalǵan jol kartasy» baǵdarlamasy aıasynda iske asyrylyp jatqan jobalar jaıly esep berdi. Jalpy óńir boıynsha 9 ınfraqurylymdyq jobada turaqty jumys oryndaryn ashý kózdelgen, onyń tórteýi Semeı shaharyna tıesili. Baqytjan Baıahmetov «Stepnoı kentine 300 oryndyq orta mektep salý» jobasy bıyl jeltoqsan aıyna deıin jalǵasatynyn aıtty.
«RK-3 «Teplokommýnenergo» qaıta jańartýdyń 3-kezeńi» jobasy boıynsha azamattardy jumyspen qamtý 2022 jyly iske asyrylady. «Holodnyı klıých» kentiniń sý qubyry jelisin qaıta salý jáne keńeıtý» jobasy oıdaǵydaı iske asyp keledi. Búgingi tańda jumys kólemi 29%-ǵa oryndaldy, salynǵan 10 shaqyrymnan astam sý qubyry jelisi 40 úıge jetkizilgen. Sondaı-aq 125 qudyq ornatyldy. Barlyq jumys bıyl 1-qazanǵa deıin aıaqtalýy tıis», - dedi ol.
«Ertis ózeniniń jaǵalaýyn nyǵaıtý (Beıbitshilik araly, Mırnyı, Vostochnyı kentteri jáne Prıstan)» jobasynyń qurylys jumystary bıyl 12 shildede bastalǵan. Búgingi tańda merdiger kompanııa qajet materıaldarǵa, sonyń jol plıtalaryna tapsyrys berdi. Jumystar bıyl jeltoqsan aıynda aıaqtalady dep josparlanǵan. Barlyq tórt jobany iske asyrý barysynda 160 adam ýaqytsha jáne 127 adam turaqty jumyspen qamtylady.
«Maýsym aıynda jumys oryndaryn qurý jóninde keńes ótkizildi. Jumys berýshi merdiger kompanııalarǵa «elektrondyq eńbek sharttaryn esepke alýdyń biryńǵaı júıesi» jáne «ıntegratsııalanǵan karta: jumys oryndaryn qurý monıtorıngi» aqparattyq júıesi arqyly ınfraqurylymdyq jobalarǵa jumysqa ornalasý qaǵıdalary men sharttary túsindirildi. Másele meniń turaqty baqylaýymda», - dedi qala ákimi.