Jumyspen qamtýdyń jańa baǵdarlamasy eń aldymen ózin-ózi jumyspen qamtyǵandardyń, jumyssyzdar men az qamtylǵan otbasylardyń problemalaryn sheshýge baǵyttalady
jumyssyzdar men az qamtylǵan otbasylardyń problemalaryn sheshýge baǵyttalady. Búgin QR Parlamenti Májilisiniń Úkimet saǵatynda Eńbek jáne halyqty áleýmettik qorǵaý mınıstri Gúlshara Ábdiqalyqova osylaı málim etti.
«Sonymen qosa, bizdiń aldymyzda ındýstrııalandyrý baǵdarlamasyn júzege asyrý úshin kadrlyq áleýetti damytý jáne ataýly áleýmettik kómek kórsetý júıesin jetildirý máselesi tur. Al 1 shildeden bastap júzege asatyn Jumyspen qamtýdyń jańa baǵdarlamasy negizgi úsh baǵytty qamtıdy. Bular - odan ári jumysqa ornalastyrý úshin kásibı oqytý, ekinshiden - óz isin bastaý úshin, onyń ishinde aýyldyq jerdegi kásipkerlikti damytý maqsatynda járdemder berý, úshinshi baǵyt - eger turǵylyqty jeri boıynsha jumysqa ornalasýdyń nemese bıznes ashýdyń perspektıvasy bolmasa, baǵdarlama boıynsha damyǵan óńirlerge jumys kúshin ornalastyrý qarastyrylady. Bul ishki eńbek resýrsynyń mobıldiligin arttyrady», - dedi G. Ábdiqalyqova.
Onyń aıtýynsha, birinshi baǵdar boıynsha kásibı oqytý tehnıkalyq jáne kásibı bilim berý mekemeleri bazasynda qalyptasatyn bolady. Bul baǵyt boıynsha baǵdarlamaǵa qatysýshylar úshin tegin oqytý, oqıtyn jerine qatynaý barysyndaǵy shyǵyndarǵa ótemaqy tóleý, aı saıynǵy jatyn orny úshin shyǵyndardy qaıtarý túrindegi qoldaý sharalary qarastyrylady.