Jumyspen qamtý jóninde júrgizilgen zertteý nátıjesi jarııalandy - QSZI

NUR-SULTAN. QazAqparat - QR Prezıdenti janyndaǵy Qazaqstan strategııalyq zertteýler ınstıtýty qazaqstandyqtardyń jumyspen qamtylý qurylymy boıynsha júrgizilgen áleýmettanýlyq zertteýdiń nátıjelerimen tanystyrdy, dep habarlaıdy QazAqparat ınstıtýttyń baspasóz qyzmetine silteme jasap.

Kóptegen adamdar úshin jumys – bul negizgi tabys kózi, sonymen qatar damý ádisi jáne emotsıonaldy qanaǵattaný. Jumyspen qamtý máselesi qazaqstandyqtardy alańdatyp otyrǵan ózekti máselelerdiń biri bolyp qala beredi. Olardyń qanshasynyń jumysy bar, olar qaı salada jumys isteıdi, mamandyǵy boıynsha nemese olaı emes – bul suraqtar respýblıkalyq qoǵamdyq saýalnama barysynda qoıyldy.

Zertteý nátıjeleri boıynsha barlyq eresek turǵyndar arasynda jumys isteıtin respondentterdiń úlesi 54,0%. Respondentterdiń taǵy 10%-nyń jumysy joq, olardyń 2,7%-y belsendi túrde jumys izdeıdi. Árbir tórtinshi qazaqstandyq jeke salada jumys isteıdi,al olardyń 3,5% – jeke kásipkerlik nemese kásip ıeleri,al 22,2% – jaldamaly jumysshylar.

Jumysshylardyń kelesi negizgi sanaty –bıýdjettik uıymdardyń qyzmetkerleri (19,2%). Bizdiń qoǵamda jumys isteıtin zeınetkerlerdiń (1,6%) jáne stýdentterdiń (1,2%) úlesi shamaly.

Kóbinese qazaqstandyqtar medıtsına, bilim jáne mádenıet salasynda jumys isteıdi. Bul salalardy respondentterdiń 23,5% óz jaýaptarynda tańdaǵan. Jumys isteıtin árbir besinshi qazaqstandyq saýda salasynda jumys isteıdi. Basqa salalardyń árqaısysyndaǵy qazaqstandyqtardyń úlesi 10%-dan aspaıdy. Bulardyń ishindegi eń basymy qyzmet kórsetý salasy - respondentterdiń 9,2%-y jumys isteıdi. Al, mysaly, úıde kútýshi retinde, jeke aspazshylar jáne t.b. respondentterdiń 2%-y, ádette, jas jáne, kerisinshe, zeınet jasyndaǵy jumyspen qamtylǵan.

Barlyq respondentterdiń ishinde eń úlken úles (27,9%) – bir jerde 3 jyldan 5 jylǵa deıin jumys jasaǵandar. Shamamen árbir tórtinshi respondent 5 jyldan 10 jylǵa deıin turaqty jumys ornynda jumys isteıdi. Respondentterdiń 20%-dan azy jumys ornynda turaqty 10 jyldan astam jumys isteıtinder.

Barlyq respondentterdiń jartysynan astamy mamandyǵy boıynsha jumys istemeıdi (52,1%). Al respondentterdiń 4%-y eki jumysty biriktiredi – mamandyǵy boıynsha, al ekinshisi –mamandyǵy boıynsha emes.