«Jumyspen qamtý» jol kartasyna birqatar talap engizý usynyldy - Úkimet otyrysy
«Prezıdenttiń tapsyrmasy boıynsha Jumyspen qamtýdyń jol kartasyn 2021 jyly jalǵastyrý boıynsha daıyndyq jumystary bastaldy. Osyǵan baılanysty jol kartasyn turaqty ári jańa jumys oryndaryn qurýǵa baǵyttap, onyń tásilderin jetildirý úshin kelesi talaptardy usynamyz. Birinshiden, iske asyrylatyn jobalardyń sapasyn qamtamasyz etý maqsatynda ortalyq deńgeıde jobalardy irikteý boıynsha memlekettik organdardyń ókilderi men Parlament depýtattarynyń qatysýymen jumys tobyn qurý qajet. Ekinshiden, qarjylandyrý lımıtterin aımaqtar boıynsha jumyssyzdar men ózin-ózi jumyspen qamtyǵandar sanyna sáıkes anyqtaý kerek. Sondaı-aq turaqty jumys oryndaryn quratyn jańa nysandardy salýǵa jáne kásipkerlikke nesıe berýdi belgilegen jón», - dedi Birjan Nurymbetov Úkimet otyrysynda.
Mınıstr sondaı-aq 2021 jyly jumyspen qamtý ýaqyty az jóndeý jumystaryn kózdeıtin jobalardy jáne respýblıkalyq menshik nysandary men kapıtaldy kóp qajetsinetin jobalardy qaramaýdy usyndy.
«Jumyspen qamtý turǵysynda birlese atqaryp otyrǵan sharýalardyń nátıjeleri halyqtyń tabysynyń tómendemeýine oń áserin tıgizer dep senemiz», - dedi ol.