Jumyspen qamtý deńgeıi tómen óńirler belgili boldy

ASTANA. QazAqparat - Búgin QR Úkimeti otyrysynda elimizdiń Densaýlyq saqtaý jáne áleýmettik damý mınıstri tamara Dúısenova azamattardy jumyspen qamtý deńgeıi tómen óńirlerdi atady.

Mınıstrdiń atap ótýinshe, búginde respýblıkada «Jumyspen qamtýdyń jol kartasy - 2020» memlekettik baǵdarlamasy belsendi júzege asyrylýda.

«Degenmen, turaqty jumys ornyna ornalasqandardyń úlesi Batys Qazaqstan oblysynda 43,5 paıyz, al Qaraǵandy, Almaty, Pavlodar oblysyndarynda 50 paıyzdan tómen bolyp otyr», - dedi ol.

Alaıda, T.Dúısenova jumyspen qamtýdyń bir ǵana baǵdarlamasymen jumyssyz jáne ózin ózi jumyspen qamtyǵan halyqty  jumysqa ornalastyrý múmkin emestigin aıtty. Onyń sózine qaraǵanda, «Nurly jol» baǵdarlamasy  boıynsha  jumyspen qamtý ortalyqtary arqyly tek 3305 adam, ÚIID baǵdrlamasy boıynsha 2186 adam jumysqa ornalasqan.

«Sondyqtan, óńirlerde jumysqa ornalasýǵa járdemdesýdiń keshendi jospary aıasynda ózge de memlekettik jobalar men salalyq baǵdarlamalarǵa jumyspen qamtý ortalyqtary arqyly jumysqa ornalastyrý sharalary júrgizilýde. Josparly kórsetkishterdi oryndaý jalpy alǵanda keste boıynsha júrgizilýde», - dedi mınıstr.