Jumyspen qamtý-2020: ShQO-da 3 myńǵa jýyq adam jumysqa ornalasty
ShQO Aqparat ortalyǵynyń málimetinshe, «Jumyspen qamtý jol kartasy - 2020» baǵdarlamasy aıasynda óńirde 816 ınfraqurylymdyq joba júzege asyrylmaq. Osylaısha 20 myńnan astam jumys orny ashylady, onyń ishinde 18 870 - ýaqytsha, 1150 - turaqty.
«Qazirgi ýaqytta ár joba boıynsha tıisti jospar qurylǵan. Ony iske asyrýdyń kelisimshart jasasý, qurylys-montaj jumystarynyń bastalýy, bıýdjet qarajatyn aı saıyn ıgerý, obektini paıdalanýǵa berý jáne jumys oryndaryn qurý syndy ár qadamy kezeń-kezeńimen oılastyryldy. Búginde 789 joba boıynsha kelisimshart jasalsa, 26 jobanyń konkýrstyq rásimderi aıaqtalýda. Sonyń nátıjesinde 2 kúnde-aq 2 997 jumys orny ashyldy. Osy aptanyń sońyna deıin 6 925 jumys orny ashylady dep kútilýde» delingen habarlamada.
2020 jyly 812 jobany aıaqtaý josparlanyp otyr. 4 iri joba kelesi jyly óz máresine jetkizilmek.
Naqty aıtsaq, bul Óskemen áýejaıyn qaıta jańartý, Esenberlın dańǵylynan Jibek joly dańǵylyna deıin jáne K.Marks dańǵylynan «Óskemen-Almaty» tasjolyna deıingi aralyqtaǵy ınjenerlik-kommýnıkatsııalyq ınfraqurylym qurylysy, sondaı-aq Semeıdegi Qaraǵaıly shaǵynaýdanynda kvartalishilik jol salý jobalary.