Jumysqa zańsyz tartylǵan Ózbekstan azamattary elden shyǵaryldy

ÓSKEMEN. QazAqparat – Shyǵys Qazaqstan oblysy Altaı aýdanynda jer úı qurylysyna zańsyz tartylǵan 4 Ózbekstan azamaty elden shyǵaryldy, dep habarlaıdy QazAqparat tilshisi.

ShQO Polıtsııa departamenti baspasóz qyzmetiniń málimetine súıensek, kóshi-qon qyzmetiniń mamandary Altaı qalasynda zańsyz jumys istegen ózge eldiń azamattaryn anyqtaldy.

Belgili bolǵandaı, Ózbekstan Respýblıkasynyń 4 azamaty jeke turǵyn úı qurylysynda zańsyz eńbek etken. Qazirgi ýaqytta sot sheshimimen olar el aýmaǵynan shyǵaryldy. Sonymen qatar zańnamaǵa sáıkes Qazaqstanǵa 5 jyl boıy kirýge tyıym salyndy.

«Al jumys berýshi QR ÁQBtK-niń eki baby boıynsha jaýapqa tartyldy. Naqty aıtqanda, sheteldik jumys kúshin zańsyz tartý jáne sheteldikterdiń bolýy týraly habarlamaý. Er adam 30 AEK mólsherinde aıyppul tóleýge mindetteldi», - deıdi oblystyq PD bastyǵynyń birinshi orynbasary Eldos Zakımov.

Esterińizge sala ketsek, osyǵan deıin Óskemende polıtseıge kúsh kórsetken eki jigittiń ustalǵanyn habarlaǵan edik.