Jumys pen jaýapkershilik azaıǵan joq – Ashat Aımaǵambetov mınıstrliktiń bólinýi týraly

NUR-SULTAN. QazAqparat – QR Oqý-aǵartý mınıstri Ashat Aımaǵambetov mınıstrlik bólingennen keıingi jumys týraly aıtyp berdi, dep habarlaıdy QazAqparat tilshisi.

«Jumys azaıǵan joq, 1 mln-ǵa jýyq bala 10 myńǵa jýyq balabaqshada tálim-tárbıe alyp, oqyp jatyr. Sondaı-aq 800-ge jýyq kolledj jáne qosymsha bilim beretin uıymdar bar. Oǵan qosa balalardyń quqyǵyn qorǵaý máselesin umytpaıyq. 1 jastan 18 jasqa deıingi balalardyń jaýapkershiligi bizdiń moınymyzda. Sondyqtan jaýapkershilik te, jumys ta azaıǵan joq», - dedi Ashat Aımaǵambetov Úkimet otyrysynan keıin tilshilerge bergen suhbatynda.

Sonymen birge, jýrnalıster «mınıstrlik bólingen soń, jalaqy mólsheri ózgerdi me?» degen suraq qoıdy.

«Jalaqyǵa qatysty Úkimettiń bekitken mólsheri bar. Bul barlyq mınıstrlik pen bıýdjetten qarjylandyrylatyn uıymdarǵa qatysty, bárine birdeı. Jalaqym Úkimet bekitken mólsherde. Ony qaıta-qaıta aıtýdyń qajeti shamaly. Jalaqymdy 3-4 ret aıtqanmyn. Eshqandaı ózgeris joq. Bul - memlekettiń bekitken mólsheri», - dep jaýap berdi Ashat Aımaǵambetov.

Buǵan deıin Oqý-aǵartý mınıstri atanǵan Ashat Aımaǵambetov áleýmettik jelidegi paraqshasynda jańa qyzmeti jaıly oı bólisken edi.