Jumys oryndaryn qurý úderisi JІÓ-niń ósý qarqynynan qalys qalýda – mınıstrlik

Elde demografııalyq ahýal turaqtalyp, eńbek naryǵynda jastardyń qatary artty. Astanada ótken HR-forýmda sóz alǵan Eńbek jáne halyqty áleýmettik qorǵaý vıtse-mınıstri Oljas Ordabaev osylaı málim etti, dep habarlaıdy QazAqparat tilshisi.

«Jańa jumys oryndaryn qurý qarqyny jalpy ishki ónimniń (JІÓ) ósim úderisinen artta qalyp otyrǵanyn moıyndaýymyz kerek. Qurylǵan jumys oryndarynyń sapasy qazirgi halyqtyń suranysyna saı emes degen másele de bar. Úlken synaq jáne úlken múmkindik - bul demografııalyq jaǵdaı. Biz elde demografııalyq ahýal turaqtalyp, eńbek narǵynda jastardyń qatary artty. Jyl saıyn 300 myńǵa jas azamat eńbekke aralasady. Bul rekordtyq kórsetkishter jáne biz úshin úlken múmkindik usynady», - dedi Oljas Ordabaev.

Bul rette vıtse-mınıstr atap ótkendeı, elimizde sapaly jumys oryndaryn qurý máselesi ózekti bolyp otyr.

«Elimizde aımaqtyq dısproportsııa bar. Máselen, halqy tyǵyz qonystanǵan ońtústikte jalpy óńirlik ónim kórsetkishi (JÓÓ) soltústik aımaqtarmen salystyrǵanda tómen. Munda soltústiktegi halyqtyń tyǵyz qonystanbaǵanyn eskergen mańyzdy. Sondyqtan biz ár óńirge ózindik saıasat, tásilder qoldanýymyz kerek», - dep túıindedi Oljas Ordabaev.