Jumys kúshi jetispeıtin óńirlerge 1 myń otbasy qonys aýdardy

NUR-SULTAN. QazAqparat - 2020 jyldyń 7 aıynda elimizdiń jumys kúshi jetispeıtin óńirlerine 1 myń otbasyn qonys aýdardy. Bul týraly QR Eńbek jáne halyqty áleýmettik qorǵaý vıtse-mınıstri Serik Shapkenov aıtty, dep habarlaıdy QazAqparat tilshisi.

«Keıbir óńirde jumys kúshi jetkilikti, tipti artyq dep aıtýǵa bolady. Al keıbir óńirde jetispeıdi. Osyǵan oraı «Eńbek« baǵdarlamasyna ózgeris engizilgen edi. Nátıjesinde osy jyldyń 7 aıynda 1 myń otbasy eńbek kúshi jetkilikti óńirden eńbek kúshi jetispeıtin óńirlerge qonys aýdardy. Atalǵan otbasylardyń 1 939 múshesi jumys isteýge qabiletti bolsa, sonyń qazirgi ýaqytta 1 420-sy jumyspen qamtamasyz etildi», - dedi ol Ortalyq kommýnıkatsııalar qyzmetindegi baspasóz máslıhatynda.

Onyń atap ótýinshe, qonys aýdarǵan otbasylarǵa 35 aılyq eseptik kórsetkish mólsherinde qoldaý kórsetiledi. Munan bólek 1 jyl boıy jaldap turatyn baspana shyǵyndary men kommýnaldyq tólemderine sýbsıdııa beriledi. Sýbsıdııa kólemi 15-ten 30 AEK-ke deıin.