Jumys isteıtin halyqtyń 5 paıyzy 560 myń teńgeden joǵary aılyq alady – Ulttyq statıstıka bıýrosy

ASTANA. QazAqparat – Ulttyq statıstıka bıýrosynyń basshysy Jandos Shaımardanov Májilis kýlýarynda jýrnalısterge eńbekaqy statıstıkasy qalaı júrgiziletinin túsindirdi, dep habarlaıdy QazAqparat tilshisi.

«Birinshi toqsannyń qorytyndysy boıynsha ortasha aılyq kólemi 340 myń teńge boldy dep otyrmyz. Aılyqtyń dıapazony óte keń. 70 myń, tipti odan da az alatyndar bar. Olardyń úlesi 5-6 paıyz ǵana.

Asa joǵary deńgeıde aılyq alatyn sanat bar. 1-2 mln teńge nemese odan da kóp alady. Eń joǵary aılyq alatyn 5 paıyzdy aıtsaq, olar 560 myń teńgeden joǵary tabady», - dedi ol.

Bıýro basshysy eldegi medıanalyq jáne modaldik aılyqtyń mólsherin atady.

«Medıanalyq aılyqty da ólsheımiz. Medıtsınalyq degenimiz jumys isteıtin halyqty tabysyna baılanysty teńdeı ekige bóledi. Bul shama bizde birinshi toqsannyń qorytyndysy boıynsha – 225 myń teńge boldy. ıAǵnı ortasha aılyq medıanalyq aılyq kóleminen ózgeshe bolýy múmkin.

Úshinshi ólshem – modaldyq aılyq. Bul eldegi eń jıi kezdesetin aılyq degen sóz. Ony biz jylyna bir ret qana jarııalaımyz. Mysaly, byltyr onyń mólsheri 68 myń teńge bolǵan. ıAǵnı, men depýtattardyń statıstıka ótirik sóıleıdi degen pikirmen kelispeımin», - dedi Jandos Shaımardanov.