Jumys berýshi zeınet jasyna jaqyndaǵan qyzmetkerdi mazalamaıdy - jańa zańnyń talaby

ASTANA. QazAqparat - Jumyspen qamtý máselelerine arnalǵan jańa zań jobasy boıynsha zeınetkerlikke jaqyndap qalǵan, biraq áli shyqpaǵan jumysshyny mazalaýǵa tyıym salynyp otyr, dep xabarlaıdy QazAqparat tilshisi.

QR Eńbek jáne xalyqty áleýmettik qorǵaý vıtse-mınıstri Nurjan Áltaevtyń aıtýynsha, búginde qyzmetker zeınet jasyna tolmasa da jumys berýshi oǵan zeınetke tolǵanda kelisimshartty buzatyny týraly eskertý xattaryn jiberip jatady.

"Osy máselege qatysty daý-damaılar jıi bolady. Sebebi jumys berýshi zeınet jasqa jaqyndap qalǵan qyzmetkerdi túrtkilep, ýaqyttan buryn mazasyn alyp jatady. Bizdińshe, olaı bolǵan durys emes. Etıka jaǵynan da adamdy qaıta-qaıta mazalap otyrǵan orynsyz. Qyzmetker zeınet jasyna kelgende eskertý xattaryn jiberýge bolady. Osyǵan baılanysty tıisti zań jobasyna ózgerister engizilip otyr", - dedi N.Áltaev búgin Astanada ótken baspasóz máslıxatynda.

Aıta keteıik, "Halyqty jumyspen qamtý jáne kóshi-qon máseleleri boıynsha keıbir zańnamalyq aktilerine ózgerister men tolyqtyrýlar engizý týraly" zań jobasy Senattyń talqylaýynan ótti. Atalǵan qujat Prezıdenttiń qol qoıýyna jiberildi.