Jumyrtqa baǵasynyń kúrt ósýine jol bermeımiz: Saýda mınıstrligi men qus óndirýshiler

NUR-SULTAN. QazAqparat - Saýda jáne ıntegratsııa birinshi vıtse-mınıstri Erlan Erkinuly Battaqov Qazaqstan qus ósirýshiler odaǵynyń ókilderimen kezdesti, dep habarlaıdy QazAqparat mınıstrliktiń baspasóz qyzmetine silteme jasap.

Kezdesý barysynda jumyrtqa naryǵyndaǵy qazirgi jaǵdaıǵa qatysty máseleler talqylandy.

Qus ósirýshiler Odaǵynyń prezıdenti Rýslan Ismaıluly Sharıpov atap ótkendeı, búgingi tańda birinshi sanattaǵy jumyrtqalarǵa satý baǵasynyń ósýi shamaly. Sondaı-aq, dándi daqyldardan basqa, negizinen Reseı men Eýropadan ákelinetin veterınarlyq preparattar, premıkster jáne basqa komponentter jumyrtqanyń ózindik qunyna jatatyny atap ótildi. Bıdaı óz kezeginde ishki naryq esebinen qamtamasyz etiledi.

Búgingi tańda qus ósirýshiler el turǵyndarynyń azyq-túlik jumyrtqasyna qajettiligin tolyq qamtamasyz etip otyr.

Sonymen qatar, búginde qus fabrıkalary birinshi sanattaǵy jumyrtqany belgilengen baǵamen – bir dana úshin 34 teńgeden aspaıtynyn atap ótken jón.

Kezdesý sońynda taraptar taýyq jumyrtqasy baǵasynyń kúrt ósýine jol bermeý boıynsha tyǵyz yntymaqtastyq pen birlesip jumys jaýsaý týraly kelisimge keldi.

Foto: gov.kz