Jumystaǵy harassment úshin jaýapkershilik engizilýi múmkin

<p>Ádilet mınıstri Azamat Esqaraevtyń tóraǵalyǵymen ótken vedomstvoaralyq komıssııa otyrysynda jumystaǵy harassment máselesi qozǵaldy, dep habarlaıdy <a href="https://kaz.inform.kz/" target="_blank" rel="noopener">Kazinform.</a></p>

«Áıelder quqyǵy týraly aıtsaq, jumys jaǵdaıyndaǵy harassment úshin jaýapkershilik engizýdi usynyp otyrmyz. Sondaı-aq, áıeldiń densaýlyǵyna birneshe ret zııan keltirip, birneshe ret qol kóterý áreketterin ishinara krımınaldandyrý usynylýda. Mundaı norma da bar. Onyń ústine biz teńgerim saqtaýǵa tyrystyq. Krımınalsyzdandyrý tóńiregindegi pikirtalas áli júrip jatyr. Ustanymdar óte kóp. Keıbir professorlar bir ustanymda bolsa, Іshki ister mınıstrliginiń óz ustanymy bar. Biraq ol máseleniń sheshimin tappaı kele jatqany anyq. Biz júıeli túrde nemese birneshe ret áıel quqyǵyn buzǵandardyń áreketin krımınaldandyrýdy usynyp otyrmyz», - dedi Ashat Aımaǵambetov.

Zańnamaǵa usynylyp otyrǵan ózgeristerdiń qatarynda úıbuzarlardy otbasynan arnaıy ortalyqqa oqshaýlaý sharasy da bar.

«Ádette turmystyq kıkiljińnen keıin áıeldi balasymen oqshaýlaıdy. Al kúsh kórsetýshi úıde qalady. Alańsyz ómir súre beredi. Áıel pana izdeýge májbúr. Sondyqtan depýtattar kúsh kórsetýshini úıden oqshaýlaýdy usynyp otyr. Sonymen birge oǵan tıisti jaǵdaı jasalýy kerek», - dedi depýtat.