Jumysshylardyń jalaqysy qanshalyqty ósti

<p>ASTANA. KAZINFORM &ndash; QR Eńbek jáne halyqty áleýmettik qorǵaý mınıstrligi keler jyly &laquo;Jumysshy mamandyqtary jyly&raquo; aıasynda jumysshylardyń jalaqysyn kóterý múmkindigine qatysty túsinik berdi.</p>

«Memleket basshysy óziniń Qazaqstan halqyna kezekti Joldaýynda 2025 jyldy Jumysshy mamandyqtary jyly dep jarııalaýdy jáne olardyń mártebesin kóterýdi usyndy. Eń aldymen, sý, energetıka, qurylys jáne basqa da salalarda qatty baıqalyp otyrǵan kadr tapshylyǵyn joıý qajet ekenin atap ótti. Eńbek zańnamasyna sáıkes, Eńbek mınıstrligi memlekettik bıýdjet qarajaty esebinen ustalatyn uıymdardaǵy qyzmetkerlerdiń eńbekaqysyn retteıdi. QR Prezıdentiniń tapsyrmasyna oraı 2022 jyldan bastap bıýdjet salasy qyzmetkerleriniń jekelegen sanattarynyń, onyń ishinde jumysshy mamandyqtardyń jalaqysy jylyna orta eseppen 20 paıyzǵa kezeń-kezeńimen kóterilip keledi. Nátıjesinde 2025 jylǵa qaraı olardyń jalaqysy 2 esege artady», - delingen mınıstrliktiń Kazinform agenttigine bergen jaýabynda.

Al jeke kásiporyndardaǵy jumysshylardyń jalaqysy eńbek ári ujymdyq sharttar aıasynda ǵana aıqyndalady.

«Óz kezeginde jekemenshik nysanyndaǵy uıymdar qyzmetkerleriniń jalaqysynyń mólsheri eńbek, ujymdyq sharttarmen belgilenedi jáne ol jumyskerdiń bilimine, oryndalatyn jumystyń kúrdeliligi men sapasyna qaraı belgilenedi», - dep atalyp ótken vedomstvo aqparatynda.

Aıta keteıik, Memleket basshysy Qasym-Jomart Toqaev óz Joldaýynda 2025 jyldy «Jumysshy mamandyqtary jyly» dep jarııalady.