Jumysshylar amerıkalyq áıeldiń úıin qatelesip súrip tastaǵan

<p>Amerıkalyq Atlanta shtatynyń turǵyny demalystan kelip, úıin bireýler qatelesip qıratyp tastaǵanyn anyqtaǵan. Kazinform bul týraly <a href="https://www.theguardian.com/us-news/2023/oct/21/woman-returns-from-vacation-to-find-family-home-mistakenly-demolished" target="_blank" rel="noopener">The Guardian</a> basylymyna silteme jasap habarlaıdy.</p>

Sıýzan Hodjson Associated Press basylymyna bergen suhbatynda ótken aıda demalystan kelip, buryn úıi bolǵan jer úıindige aınalǵanyn kórgen.

«Ashýlanyp turmyn. Únemi munyń bári ázil shyǵar dep oılaımyn. Eseńgirep qaldym», - deıdi Hodjson.

Úı ıesiniń aıtýynsha, oǵan kórshisi habarlasyp bos úıdi súrýge adam jaldadyń ba dep surapty.

Hodjson «joq» dep jaýap berse, kórshisi «jańa ǵana bireý seniń úıińdi súrip ketti» dep habar bergen.

Sodan keıin kórshisi jumysshylarmen sóılesip, súrýge ruqsat beretin qaǵazdy kórý úshin sol úıge barǵan. Sóıtse, olar mekenjaıdan qatelesken bolyp shyǵady.

Úı ıesiniń aıtýynsha, 15 jyldan beri onda eshkim turmaıdy. Biraq kógal tegistelip, aýla tazalanyp, salyq ýaqtyly tólenedi.

Hodjson polıtsııaǵa aryz jazyp, advokattarmen sóıleskenin aıtty, biraq jaǵdaı ázirge ózgerissiz bolyp tur.

Súrýge jaýapty kompanııa ókilderi úı ıesimen baılanysqa shyqpaǵan.

Kompanııa WAGA-TV telearnasyna bergen málimdemesinde oqıǵany tergep jatqanyn habarlady.