Jumysshy mamandyqtar jyly: VR jáne AR tehnologııalarymen onlaın kýrstar jazylady

<p>ASTANA. KAZINFORM &mdash; Bıyl jumys berýshilerdiń suranysymen 12 myń adam kásiptik oqytýdan ótedi. Bul týraly Eńbek jáne halyqty áleýmettik qorǵaý mınıstri Svetlana Jaqypova aıtty.</p>

— «Enbek» platformasy jumysshy mamandyqtary boıynsha daǵdylardy damytýǵa belsendi yqpal etedi. Kásibı mansapty tańdaý jáne óziniń mansaptyq traektorııasyn basqarý úshin mamandyqtar, jalaqy, bilim berý talaptary, oqý oryndarynyń reıtıngteri jáne basqalar týraly egjeı-tegjeıli analıtıkasy bar «Mansap kompasy» jobasy iske asyrylýda, — dedi S. Jaqypova Úkimet otyrysyndaǵy baıandamasynda.

Sonymen birge, jumys berýshilerdiń suranysymen kásiptik oqytý jáne jumys ornynda oqytý belsendi damyp keledi. Bıyl 12 myńǵa jýyq adam osyndaı kýrstardan ótedi.

— Stýdentterdiń praktıkalyq daǵdylaryn ıgerý úshin biz Elektrondy eńbek bırjasynda óndiristik praktıka fýnktsıonalyn iske qostyq. Onlaın oqytý platformasynda búginde 643 onlaın kýrs qoljetimdi, al oqytýdan 410 myń adam ótti. Bizdiń josparymyzda VR jáne AR tehnologııalaryn qoldana otyryp, jumysshy mamandyqtary boıynsha praktıkalyq kýrstar jáne óndiristik praktıka kózdelgen, — dedi Eńbek mınıstri.

Jumysshy mamandyqtar jylyn ótkizý jónindegi is-sharalar josparyna sáıkes tálimgerlik ınstıtýtyn damytý, bos oryndar jármeńkesin ótkizý jáne oqýshylar men Tehnıkalyq jáne kásiptik bilim beretin mekeme stýdentterin jumys izdeý jáne jumysqa ornalastyrý daǵdylaryna oqytý kózdelgen.

Buǵan deıin S. Jaqypova Qazaqstanda jumysshy mamandarǵa qajettilik tek qana arta beretinin aıtqan edi.