Jumysqa kirgizemin dep jurtty aldaǵan alaıaq Dýbaıdan elge jetkizildi

<p>ASTANA. KAZINFORM &mdash; Alaıaqtyq jasaǵany úshin izdeýde júrgen er adam BAÁ-den Qazaqstanǵa jetkizildi. Bul týraly ІІM baspasóz qyzmeti habarlady.</p>

20 jeltoqsanda iri kólemde alaıaqtyq jasaǵany úshin Qazaqstan ІІM Interpol Ulttyq ortalyq bıýrosymen halyqaralyq izdeýge jarııalanǵan 37 jastaǵy er adam Birikken Arab Ámirlikterinen Qazaqstanǵa jetkizildi.

— 2020-2021 jyldar aralyǵynda ol memlekettik organdarǵa jumysqa kirýge kómektesý syltaýymen el azamattarynyń qarajatyn ıemdengen. Aqshany alǵannan keıin kúdikti respýblıka aýmaǵynan ketip qalǵan. Bıylǵy jyldyń qańtar aıynda ІІM Interpolynyń suraýymen kúdikti Dýbaıda ustaldy. BAÁ-niń quzyretti organdary ony bizdiń elge berý týraly sheshim qabyldady. Ustalǵan adam qazirgi ýaqytta ІІM ÁTD qyzmetkerlerimen qamaýǵa alyndy, — delingen habarlamada.

Eske salsaq, keshe asa iri alaıaqtyq jasady degen kúdikti Reseıden ekstradıtsııalanǵany málim boldy.