Jumysyn toqtatqan kásipkerler de deklaratsııa tapsyrýy kerek – MKK

<p>Jumys istemeı turǵan jáne jumysyn toqtatqan kásipkerler de deklaratsııa tapsyrýy kerek. Bul týraly Memlekettik kirister komıteti Óndiristik emes tólemderdi, jeke tulǵalardy jáne arnaýly salyqtyq rejımderdi ákimshileý departamentiniń dırektor Nurjan Qýandyqov aıtty, dep habarlaıdy&nbsp;<a href="https://kaz.inform.kz/" target="_blank" rel="noopener">Kazinform.</a></p>

«2021 jyldyń 1 qańtarynan bastap «kiris» týraly deklaratsııany memlekettik qyzmetshiler men olarǵa teńestirilgen adamdar, sondaı-aq olardyń jubaılary – shamamen 580 myń jeke tulǵa tapsyrǵan. Ekinshi kezeńde osy jyly kvazımemlekettik sektordyń memlekettik mekemeleriniń qyzmetkerleri, sondaı-aq olardyń jubaılary shamamen 2,1 mıllıon adamdy qurady. Úshinshi kezeńde 2024 jylǵy 1 qańtardan bastap deklaratsııany zańdy tulǵalardyń quryltaıshylary (qatysýshylary), jeke kásipkerlerdiń basshylary, sondaı-aq olardyń jubaılary (zaıyby) tapsyrady. Shamamen 3,9 mıllıon adam josparlanǵan», - dedi ol.

Departament dırektorynyń atap ótýinshe, tórtinshi kezeńde 2025 jylǵy 1 qańtardan bastap azamattardyń basqa sanattary tapsyratyn bolady. Olar – 6,9 mıllıon adam. 2025 jyly 13 mıllıonnan astam jeke tulǵany qamtý josparlanǵan.

«Kelesi jyly bıznesmender jeke múlikterin jarııalaıtynyn eskere otyryp, osy sanattaǵy deklaranttarǵa nazar aýdarǵym keledi. Olar – jeke kásipkerler, birinshi basshylar, quryltaıshylar, zańdy tulǵalardyń qatysýshylary. Jumys istemeı turǵan jáne jumysyn toqtatqan kásipkerler de deklaratsııa tapsyrýy kerek. Alaıda, fılıaldar men ókildikterdiń basshylary zańdy tulǵa bolyp tabylmaıtyndyqtan, deklaratsııa tapsyrýǵa mindetti emes», - dedi Nurjan Qýandyqov.