Jumys berýshi jańa mamannyń qas-qabaǵyna qaraıtyn zaman kele jatyr – Májilis depýtaty

<p>ASTANA. KAZINFORM &ndash; Jyl saıyn elimizdegi eńbek naryǵyna 300 myńnan astam jas maman keledi. Jańa býynnyń óz qundylyqtary, talaby men suranystary bar. Bul týraly Májilis depýtaty Juldyz Súleımenova &laquo;Bizdin orta&raquo; podkastynda aıtyp berdi.</p>

– Eńbek naryǵy úzdiksiz ózgerip otyrady. Keı memleketter 4 kúndik jumys aptasyn, 4-6 saǵattyq jumys kestesin engizip jatyr. Bul urpaqtyń aýysýymen baılanysty. ıAǵnı belgili bir qundylyǵy bar býyn eńbek naryǵynan ketip, olardyń ornyna jańa urpaq keldi. Olardyń óz talaby men suranystary bar. Olar 30 jyl burynǵy jumys berýshiniń talaptaryna moıynsuna bermeıdi. Menińshe, aldaǵy trendte – jumys berýshi jańa mamandardyń qas-qabaǵyna qaraıtyn kezeń keledi. Óıtkeni eńbek naryǵyna múldem jas, erkin, qundylyǵy basqa azamattar kele jatyr, – dedi J. Súleımenova.

Oǵan qosa, pandemııa kezinde onlaın jumys retteri engizildi. Aldaǵy kezeńderde geosaıası, ekonomıkalyq jaǵdaıdy qospaǵannyń ózinde, urpaqtyń aýysýyna baılanysty eńbek naryǵy, eńbek talaby túbegeıli ózgeredi.

Eńbek resýrstaryn damytý ortalyǵynyń vıtse-prezıdenti Shalqar Baıqulaqov 2000 jyldary týa bastaǵan jastar jyl saıyn 300 myńdap eńbekke aralasa bastaıtynyn aıtýda.

– Biz olarǵa jumys oryndaryn daıyndaýymyz kerek. Zýmerler – bólek urpaq, olardyń óz qundylyqtary bar. Keshki altydan keıin jumys istemeıtin, jeke shekarasyn qorǵaıtyn, Work-life balance ustanymymen ómir súretin býyn. Olarǵa uryssań da, qosh aıtysyp, jumystan ketip qalýy múmkin, - deıdi Sh. Baıqulaqov.

Onyń aıtýynsha, 2030 jylǵa deıin ekonomıkamyzǵa 1,8 mln jumys orny kerek bolady. Onyń basym bóligi – jumysshy mamandyqtary. Sol sebepti, jumysshy mamandyqtarynyń mártebesin ósirý qajet.

Eske sala ketsek, elimizde 2025 jyl — Jumysshy mamandyqtarynyń jyly bolyp jarııalandy.

Buǵan deıin Juldyz Súleımenova eńbek naryǵyndaǵy jańashyldyqtarǵa beıimdelý úshin elimizde qandaı zańnamalyq ózgerister bolǵanyn aıtyp berdi.