Jumanǵarın shetel áýe kompanııalarynyń Qazaqstannan ketýin túsindirdi
Búgin Májiliste «Tabıǵı monopolııalar týraly» zań jobasyn tanystyrǵan mınıstrlik ókilinen depýtattar áýejaılardaǵy tarıfti belgileý saıasatyna qatysty surady.
«Áýejaılar tarıfterdi on jyldyqta kótermeı keldi. Áýe kompanııalar áýejaılardyń tarıfterdi kóterýinen ketpedi. Atap aıtqanda, olar úshin Qazaqstanǵa trafık ekonomıkalyq turǵyda tıimsiz boldy, ıaǵnı bul negizinen jolaýshylar aǵynyna qatysty. EKSPO kezeńinde birqatar kompanııa ekijaqty kelisim aıasynda tasymal jasaǵan bolatyn. Qazirgi kezde bul reısterdi Air Astana júzege asyryp keledi. Máselen, British Airways, Austrian Airlines jáne basqasy osyǵan deıin 2-3 jyl buryn ketkeni málim. Olardyń ketýi áýejaılar tarıfterine qatysty bolmady. Osynyń barlyǵy zańdy qubylys, naqtyraq aıtqanda, ekonomıkalyq tıimdilikke negizdelgen», - dedi Jumanǵarın Májilis depýtaty Merýet Qazbekovanyń saýalyna bergen jaýabynda.
Onyń atap ótýinshe, keıbir áýejaılarda tarıfterdiń 180 paıyzǵa ósýi - ol 1 dollardan 2,5 dollarǵa deıin joǵarylaýyn bildiredi. ıAǵnı, basqa elderdegi áýejaılarǵa qaraǵanda bul qomaqty soma emes. Sheteldegi ózge halyqaralyq áýejaılarda tarıfter 8-10 dollardy quraıdy.
Esterińizge sala keteıik, 2017 jyldyń jazynda áýejaılar engizetin halyqaralyq reısterge baǵany memleket retteýdi toqtatty.
Áýe kóligi halyqaralyq qaýymdastyǵynyń (International Air Transport Association, IATA, IATA) Ortalyq Azııa boıynsha óńirlik menedjeri Djordan Karamalakovtyń sózine qaraǵanda, Áýejaılar qyzmetindegi tarıfterdi retteý sharalarynyń bolmaýy áýe kompanııalaryn alańdatyp otyr. https://kaz.inform.kz/news/aue-tasymaldaushylar-kazakstandagy-auezhaylarga-