Jumaqanov ShYU Qaýipsizdik keńesi xatshylarynyń kezekti kezdesýin qorytyndylady
QR Prezıdentiniń kómekshisi - QR Qaýipsizdik keńesiniń xatshysy Vladımır Jumaqanovtyń aıtýynsha, atalǵan kezdesý maýsymnyń 8-9-y kúnderi Astanada ótetin ShYU sammıti aldyndaǵy daıyndyq shara bolyp sanalady. "Otyrys barysynda aımaqtaǵy qaýipsizdik pen turaqtylyq máseleleri pysyqtalyp, osy salada uıymǵa múshe memleketterdiń ózara áriptestik jaıy talqylandy. Birlesken jumysty jalǵastyrý sharalary da nazardan tys qalmady. Kezdesýge qatysýshylar qazirgi qaqtyǵystardyń shıelenisýi men jańa qaýip-qaterlerdiń paıda bolýy jaǵdaıynda Shanxan yntymaqtastyq uıymynyń róli arta túsetindigin erekshe atap ótti", - dedi Jumaqanov kezdesýdiń qorytyndysyna arnalǵan brıfıngte.
Onyń aıtýynsha, kezdesý kezinde uıymnyń Bas xatshysy men terrorızmge qarsy aımaqtyq qurylymnyń atqarýshy dırektorynyń qaýipsizdik boıynsha atqarylǵan jumystary týraly baıandamasy tyńdaldy. "Qatysýshylar terrorızmge qarsy aımaqtyq qurylymnyń uıymǵa múshe memleketterdiń quziretti memlekettik organdaryn úılestirý salasyndaǵy jumysyn oń baǵalady. Biz terrorızm, separatızm, ekstremızm, transulttyq uıymdasqan qylmys, zańsyz kóshi-qon, qarý-jaraq pen esirtki aınalymyna qarsy birlesken sharalardy jalǵastyra berýge ýaǵdalastyq. Kezdesýdiń qorytyndysy boıynsha arnaıy xattamaǵa qol qoıyldy. Onda qazirgi xalyqaralyq problemalar men aldaǵy maqsat-mindette kórsetilgen", - dep atap kórsetti Jumaqanov.