Jumada aýa raıy jaýyn-shashyndy bolady
Qazaqstannyń batysynda, soltústik-batysynda jáne shyǵysynda atmosferalyq frontaldy bólimderdiń ótýine baılanysty aýa raıynyń turaqsyz sıpaty kútiledi. Jańbyr jaýady, naızaǵaı oınaıdy. Respýblıka boıynsha ekpindi jel boljanady. Elimizdiń soltústiginde, soltústik-batysynda túngi jáne tańerteńgi saǵattarda tuman túsedi.
«Kúndiz Atyraý oblysynda, Batys Qazaqstan oblysynyń ońtústiginde, Aqtóbe oblysynyń batysynda, ońtústiginde, Qostanaı oblysynyń ońtústiginde 35-37°S deıin qatty ystyq bolady.
Atyraý, Mańǵystaý, Jambyl, Qyzylorda, Batys Qazaqstan oblystarynda, Aqtóbe oblysynyń shyǵysynda, ońtústiginde, ortalyǵynda, Qostanaı oblysynyń ońtústiginde, Almaty oblysynyń soltústiginde, Túrkistan oblysynyń soltústiginde, batysynda, ońtústiginde, shóldi aýdandarynda tótenshe órt qaýpi saqtalady», - dep jazdy sınoptıkter.
Soltústik Qazaqstan oblysynda, Almaty oblysynyń ońtústiginde, Aqmola oblysynyń batysynda, soltústiginde, ońtústiginde, Jetisý oblysynyń batysynda joǵary órt qaýpi kútiledi.