Jumabaı Qaraǵaev QR Energetıka vıtse-mınıstri qyzmetinen bosatyldy
11:44, 15 Qańtar 2022
NUR-SULTAN. QazAqparat - Qazaqstan Respýblıkasy Úkimetiniń qaýlysymen Jumabaı Ǵabbasuly Qaraǵaev Qazaqstan Respýblıkasynyń energetıka vıtse-mınıstri qyzmetinen bosatyldy.
Bul týraly QR Premer-Mınıstriniń baspasóz qyzmeti habarlaıdy.
Jumabaı Qaraǵaev 1971 jyly Atyraý oblysynda dúnıege kelgen. I. M. Gýbkın atyndaǵy memlekettik munaı jáne gaz akademııasyn, Reseı Federatsııasy Prezıdentiniń janyndaǵy Reseı halyq sharýashylyǵy jáne memlekettik qyzmet akademııasyn bitirgen. Ár jyldary Atyraý jáne Mańǵystaý oblystaryndaǵy birqatar jeke kompanııalardy basqardy, Atyraý oblysy ákimdiginiń qurylymynda qyzmet etti. 2019 jylǵy jeltoqsannan bastap — Qazaqstan Respýblıkasynyń energetıka vıtse-mınıstri.