Juma kúni aýa raıy qandaı bolady

NUR-SULTAN. QazAqparat - Qazgıdromet sınoptıkteri 26 tamyz, jumaǵa arnalǵan aýa raıy boljamyn usyndy, dep habarlaıdy QazAqparat.

Keń aýqymdy jáne baıaý qozǵalatyn antıtsıklonnyń ońtústik, ońtústik-shyǵys perıferııasy burynǵysynsha elimizdiń basym bóliginiń aýa raıynyń qalyptastyryp, ashyq jáne qurǵaq aýa raıyn saqtaıdy.

Sondaı-aq, Qazaqstannyń soltústiginde, soltústik-batysynda jáne ońtústik-shyǵysynda atmosferalyq fronttardyń áseri saqtalady. Osyǵan baılanysty bul óńirlerde naızaǵaı jarqyldap, jańbyr jaýady.

Respýblıka boıynsha keı jerlerde jel kúsheıip, túnde jáne tańerteń shyǵysta, soltústikte tuman túsedi.

Qyzylorda, Túrkistan, Atyraý oblystarynyń basym bóliginde, Batys Qazaqstan oblysynyń batysynda, Abaı oblysynyń ońtústiginde tótenshe órt qaýpi saqtalady.

Kúndiz Atyraý oblysynyń basym bóliginde aptap ystyq bolady.