Júlde qory 7,5 mln. teńge bolatyn «NIF$50K» ınnovatsııalyq bıznes-jobalar baıqaýyna ótinishter qabyldaý jalǵasýda
Baıqaýdyń maqsaty turǵyndardyń ınnovatsııalyq belsendiligin joǵarylatyp, ınnovatsııalyq kásipkerlikti nasıhattaý. Sharany QR Indýstrııa jáne jańa tehnologııalar mınıstrliginiń qoldaýymen «Tehnologııalyq damý jónindegi ulttyq agenttik» AQ qolǵa alǵan. Bul týraly atalǵan vedomstvonyń baspasóz qyzmetinen habarlandy.
Uıymdastyrýshylardyń aıtýynsha, biregeı ári tanymal «NIF$50K» ınnovatsııalyq bıznes-jobalardyń respýblıkalyq baıqaýy talantty da talapty qazaqstandyqtarǵa óz ıdeıalaryn júzege asyrýǵa múmkindik beredi. Satylaı irikteýler barysynda tıimdi ınnovatsııalyq jobaǵa qatysýshylar men kórermen bıznes strategııasyn jasaý men ekonomıkalyq jospar qurýda, marketıngtik zertteý júrgizý men pıar-tujyrymdama jasaýda mol tájirıbe alady. Baıqaý jeńimpazy 7,5 mln.teńge kólemindegi grantqa ıelenedi. Jobanyń qatysýshylaryna elimizdegi tabysty bes bıznesmen tańdaý jasaıtyn bolady. Olar ár tapsyrmaǵa qatysty úmitkerlerge arnaıy sabaqtar ótkizip turady. Daıyndyq jumystarynda álemdik tájirıbemen qosa, ár keńesshiniń jeke tájirıbesi de qoldanylady. Barlyq keńester jobany kórermenge ár qyrynan ashyp, túsinikti etip kórsetýge baǵyttalǵan. Baıqaýǵa ınnovatsııalyq joba avtory bolyp sanalatyn kámeletke tolǵan Qazaqstan Respýblıkasynyń azamattary qatysa alady. Ótinishter ústimizdegi jylǵy 31 tamyzǵa deıin qabyldanady.