Juqamyrza Shúkirbekov para dzıýdodan Gran-prı týrnırinde altyn aldy

<p>ASTANA. KAZINFORM &mdash; Túrkııanyń Antalıa qalasynda para dzıýdodan ótken Gran-prı týrnırinde qazaqstandyq Juqamyrza Shúkirbekov altyn medal jeńip aldy.</p>

Qazaqstan para dzıýdo federatsııasynan málim etkenindeı, J.Shúkirbekov J2 sanaty boıynsha 90 keliden joǵary salmaqta qarsylas shydatqan joq.

Qazaqstandyq balýan fınalda jarys qojaıynyn taza utty.

Sondaı-aq, áıelder arasynda Zarına Raıfova 70 keliden joǵary salmaqta J2 sanaty boıynsha kúmis júldege ıe boldy.

Qazaqstan quramasy Antalıa jarysyn 1 altyn, 1 kúmis, 2 qola medalmen qorytyndylady

Eske sala keteıik, budan buryn qazaqstandyq balýandardyń para dzıýdodan Gran-prı týrnırinde qos qola medal jeńip alǵanyn jazǵan bolatynbyz.