Juqa muz qaýip tóndiredi. TJD astanalyqtarǵa eskertý jasady

<p>ASTANA. KAZINFORM&nbsp;&mdash; Kúzgi-qysqy kezeńde elordanyń sý&nbsp;aıdyndaryndaǵy juqa muz qala turǵyndarynyń ómiri men densaýlyǵyna qaýip tóndiredi. Bul jumys týraly kommýnıkatsııalar qyzmetinde ótken brıfıngte Astana TJD Azamattyq qorǵanys basqarmasynyń bastyǵy Rınat Smaǵulov aıtty.</p>

Osyǵan baılanysty qalanyń TJD jazataıym oqıǵalardyń aldyn alý úshin jáne adamdardyń qaýipsizdigin qamtamasyz etý úshin birqatar shara qabyldady. 

Muz qatý bastalǵannan beri qalalyq TJD qyzmetkerleri 78 reıd pen patrýldeý júrgizdi, jumys barysynda qala turǵyndarymen túsindirme áńgimeler júrgizildi, sondaı-aq 8 myńnan astam úgit materıaldary taratyldy. Spıkerdiń sózinshe, bul sharalar azamattardyń muzdaǵy qaýipsizdik erejeleri týraly habardarlyǵyn arttyrýǵa kómektesedi.

Sý asty kiltteri shyǵatyn oryndar sııaqty sý aıdyndarynyń asa qaýipti ýchaskelerinde kópirlerdiń astynda jáne sý tógetin jerlerdiń janynda aýdan ákimdikterimen birlesip 100-den asa eskertý belgileri ornatylǵan.

«Búgingi tańda elorda sý aıdyndaryndaǵy muzdyń qalyńdyǵy qaýipsiz qozǵalys pen muz astynda balyq aýlaý úshin jetkiliksiz (5-6 sm). Mańyzdy erejelerdi este ustaǵan jón: juqa muzǵa shyqpaý, muzdyń bir bóliginde adamdardyń jınalýyn boldyrmaý, jaryqtar janynda abaı bolý, qarańǵyda muzǵa barmaý, sondaı-aq muzda balyq aýlaý kezinde qutqarý quraldary týraly umytpaý», — dep keńes berdi Rınat Smaǵulov.

Sondaı-aq, ol muzda balyq aýlaýǵa arnaıy qutqarý quraldary bolǵan jaǵdaıda ǵana ruqsat etiletinin aıtty. Biraq qazirgi ýaqytta qutqarýshylar muzǵa shyǵýdan bas tartýǵa keńes beredi.

Astana qalasynyń Tótenshe jaǵdaılar departamenti turǵyndardy muzdaǵy qaýipsizdik erejelerin saqtaýǵa jáne balalardyń sý aıdyndaryna shyǵýyn baqylaýǵa shaqyrady.

Eske salsaq, buǵan deıin Astana qalasynyń ákimi elordada turǵyn úı salý qarqyny men sapasyna qatysty túsinik berdi.