Júk vagondaryn jasaýǵa jumsalatyn BJZQ qarjysy 100 paıyz qaıtarylady

ASTANA. QazAqparat - Biryńǵaı jınaqtaýshy zeınetaqy qorynan alynǵan qarjy tolyq kólemde qaıtarylady. Bul týraly búgin «QDB Lızıng» AQ basqarmasy tóraǵasynyń orynbasary Rınat Ǵapparov málim etti, dep habarlaıdy QazAqparat.

«Buǵan  deıin aıtylǵandaı joba Biryńǵaı jınaqtaýshy zeınetaqy qory aqshasy esebinen qarjylandyrylady. Qarjy «Qazaqstannyń damý banki» AQ oblıgatsııalaryn  shyǵarý esebinen tartyldy. 17,5 mlrd. teńge 10 jyldyq merzimge beriledi.  Qarjy fıtıngtik vagon platformalar satyp alýǵa  jumsalady. «QDB Lızıng» olardy satyp alady da «Vagonstroımenedjment» JShS-yna lızıngke beredi. ıAǵnı, merzim aıaqtalǵanǵa deıin, qaryz tolyq ótelgenshe bul platformalardyń ıesi «QDB Lızıng» AQ bolyp sanalady», - dedi ol BAQ ókilderiniń saýalyna oraı.

Onyń aıtýynsha, bul joba - BJZQ qarjysy esebinen júzege asyrylatyn eń birinshi jáne jalǵyz joba bolyp otyr. Jobaǵa «QDB Lızıng» AQ bekitken rásimderge sáıkes keshendi saraptama júrgizilgen. Sonymen qatar «Vagonstroımenedjment» JShS men «QTJ Ekspress» AQ arasynda jalǵa alý týraly shart jasalǵan.

Ǵapparovtyń sózine qaraǵanda, ústimizdegi jyldyń qańtarynda «QDB Lızıng» AQ 1 mlrd. 280 mln. teńge kólemindegi alǵashqy syıaqysyn aldy.

Aıta keteıik, 2016 jyldyń tamyzynda «QDB Lızıng» AQ-y Qazaqstannyń vagon jasaý salasyndaǵy ıntegrator kompanııa qurý jobasyn qarjylandyrýdy bastady. Onyń aıasynda elimizde shyǵarylǵan 1 132 lızıngtik vagon-platformasatyp alý josparlanǵan .  Joba aıasynda «QTJ Ekspress»  kompanııasy 80 fýttyq 1 102 platforma almaq.