Júk tasymalyndaǵy qazaqstandyq kólikterdiń úlesi 30% ǵana - mınıstrlik
«Qazaqstannyń halyqaralyq júk tasymaly naryǵyndaǵy básekege qabiletin arttyrýshy faktordyń biri - júk tasymaldaýshy kólikterdiń sany. Qazirgi tańda bul naryqtaǵy otandyq tasymaldaýshylardyń úlesi 30% bolyp otyr. Óıtkeni halyqaralyq júk tasymalyna qatysy bar qazaqstandyq kólikterdiń sany sheteldik kólikterden az» dep jazdy Erkebulan Daýylbaev jaýabynda.
Vıtse-mınıstrdiń aıtýynsha, halyqaralyq júk tasymaly naryǵynda otandyq júk tasymaldaýshy kólikterdiń parkin keńeıtý eldiń ekonomıkalyq múddesimen ty ǵyz baılanysty.
Sondaı-aq, ol Qazaqstan aýmaǵynda tirkelip jatqan sheteldik júk tasymaldaýshy kólikterge shekteý qoıý múmkindigi joq ekenin de aıtqan.
Aıtýynsha, zańnamada kórsetilgen talaptardyń bárin oryndaǵan kólik ıelerin tirkemeı qoıý múmkin emes.
Bul jóninde 23 mamyrda salaǵa jaýapty túrli organdar men qaýymdastyq ókilderiniń jıynynda aıtylǵan.
«Buǵan deıin aıtylǵandaı, halyqaralyq tasymalǵa ruqsat beretin blankter el aýmaǵynda tirkelgen kólikterge ǵana usynylady. 31 mamyrda Kólik komıtetiniń uıymdastyrýymen ótken sharada Syrtqy ister, Qarjy, Saýda jáne ıntegratsııa, Eńbek jáne halyqty áleýmettik qorǵaý mınıstrlikteriniń, «Atameken» ulttyq kásipkerler palatasynyń, «Kazlogistics» kólik qaýymdastyǵynyń, halyqaralyq tasymaldaýshylardyń ókilderi qatysyp, Qazaqstan aýmaǵynda tasymaldanatyn júkterdi tasymalyna jergilikti kólik júrgizýshilerdi tartý máselesin talqylady. Sondaı-aq, halyqaralyq júk tasymalyna qajetti joǵary bilikti mamandardy ázirleý úshin oqytý ortalyqtarynyń jumysyn belsendirý máselesi qaraldy», - dep jazylǵan vıtse-mınıstrdiń jaýabynda.
Aıta keteıik, bıyl «Transkaspıı halyqaralyq kólik baǵdary» halyqaralyq qaýymdastyǵy atalǵan baǵyttaǵy júk tasymalyn 6 ese kóbeıtpekshi.