Júk tasymaldaıtyn vagondar jetkilikti – Marat Qarabaev

<p>ASTANA. KAZINFORM &ndash; Qazaqstan lokomıtıvterdiń tozý deńgeıi 61 paıyzdy qurady. Bul týraly Parlament Májilisinde kólik-logıstıkalyq áleýetti damytý taqyrybyna arnalǵan Úkimet saǵatynda Kólik mınıstri Marat Qarabaev málim etti.</p>

- Shet el aýmaǵynda termınaldardy qalyptastyrý máselesimen «Qazaqstan temir joly» ulttyq kompanııasy aınalysyp jatyr. Bul kompanııanyń el ishinde de sheshilýdi talap etetin ózekti máseleleri bar. Olardyń biri – jetkilikti lokomotıv parkin jasaqtaý. Qazirgi ýaqytta parkte 1 myń 807 lokomotıv bar. Tozý deńgeıi – 61%. Esterińizde bolsa, 2022-2023 jyldary lokomotıvterdiń jetispeýshilik faktileri boldy. Olardyń qajetti sanyn qamtamasyz etý maqsatynda byltyr 113 jáne bıyl 185 lokomotıv satyp alyndy, - dedi M. Qarabaev.

Onyń aıtýynsha, aldaǵy úsh jylda taǵy 257 lokomotıv jetkiziledi, bul tapshylyqty tolyǵymen joıýǵa jáne tozý deńgeıin 61%-dan 44%-ǵa deıin tómendetýge múmkindik beredi.

- Vagon parkine keletin bolsaq, Qazaqstan temir joly tarapynan 3 myń ashyq vagon jáne 2 myń platforma qosymsha satyp alynyp jatyr. Bul rette, naryqta 300-den asa jeke operator bar, olardyń balansyndaǵy 140 myńǵa jýyq júk vagony júrip tur. Bul park qajet tasymaldy tolyq qamtamasyz etýge jetkilikti, - dedi mınıstr.

Buǵan deıin Qazaqstanda dızel lokomotıvteriniń óndirisi 2 ese óskenin jazǵan edik.