Júk kólikteriniń jolda júrý jyldamdyqtary azaıtylady

<p>ASTANA. KAZINFORM &ndash; Іshki ister mınıstrligi &laquo;Jol júrisi qaǵıdalaryn, kólik quraldaryn paıdalanýǵa ruqsat berý jónindegi negizgi erejelerdi, kóligi arnaıy jaryq jáne dybys sıgnaldarymen jabdyqtalýǵa jáne arnaıy tústi-grafıkalyq shemalar boıynsha boıalýǵa tıis jedel jáne arnaıy qyzmetter tizbesin bekitý týraly&raquo; buıryqtyń jańa jobasyn jarııalady.</p>

Usynylyp otyrǵan redaktsııada eldi meken ishi men aýmaǵynda:

1) júk kólikteri men avtobýstardan basqa sanattaǵy kólik quraldaryna saǵatyna 60 jáne 90 shaqyrymnan aspaıtyn jyldamdyqpen;

2) júk kóligi men avtobýstarǵa saǵatyna 50 shaqyrymnan aspaıtyn jyldamdyqpen;

3) turǵyn aımaqtar men aýla aýmaqtarynda - saǵatyna 20 kılometrden aspaıtyn jyldamdyqpen júrý ruqsat etiletini aıtylǵan.

Qoldanystaǵy erejede 50 shaqyrymdyq shekteý avtobýstarǵa ǵana qoldanylady. Jańa redaktsııa qabyldansa, avtobýstardyń qataryna júk kólikteri qosylmaq.

«Sondaı-aq, jol júrý erejesinen «4.5 belgisimen belgilengen velosıped júretin jolaǵy bar joldarda osy jolaqpen mopedten basqa, basqa kólik quraldarynyń júrýi júzege asyrylmaıdy jáne aıaldaýyna bolmaıdy», - dep keletin tarmaq alynyp tastalmaq.

Erejede jańa belgilik kestelerge túsinikteme berilgen. Olar:

7.4.1 kestesi júk avtomobılderi,

7.4.2 ruqsat etilgen massasy 3,5 tonnadan asatyn, tirkemesi bar kólikter;

7.4.3 kestesi jeńil avtomobılder men ruqsat etilgen massasy 3,5 tonnaǵa deıingi júk kólikteri;

7.4.8 kestesi «Qaýipti júk»;

7.4.8a kestesi «Elektromobılder»;

7.4.8b «Elektr samokat».