Júk kóligi Qaraǵandy oblysyndaǵy eki aýdandy jaryqsyz qaldyrdy

QARAǴANDY. QazAqparat – Qaraǵandy oblysynda júk kóligi elektr symdaryn zaqymdap, saldarynan Qarqaraly jáne Buqar Jyraý aýdandary jaryq pen baılanyssyz qaldy, dep habarlaıdy QazAqparat tilshisi.

Belgili bolǵandaı, júk kóligi bortyn kóterip júrip bara jatqanda, GRES-2 – Qaraǵaıly-1,2 joǵary voltty jelisin úzip ótken. Atalmysh jeliniń uzyndyǵy shamamen 250 shaqyrym. Sondyqtan Qarqaraly aýdany túgel derlik jáne Buqar Jyraý aýdany ishinara elektr qýatynsyz qaldy.

Qaraǵandy oblysynyń Energetıka jáne turǵyn úı-kommýnaldyq sharýashylyǵy basqarmasynyń málimetinshe, «Qaraǵandy Jaryq» JShS mamandary kúni boıy qalpyna keltirý jumystaryn júrgizip jatyr.

«Buqar Jyraý aýdanynyń tutynýshylary tolyǵymen jelige qaıta qosyldy, Qarqaraly aýdanynyń tutynýshylary búgin jáne erteń qosylady. ıAǵnı bul eki tizbekti jeli», - dedi Oblystyń energetıka jáne TKSh basqarmasynyń bólim basshysy Gúlbaram Ádilǵojına.

Bul aýdandarda ken oryndarynyń kóp bolýy jáne aýyr júkterdiń qozǵalysy saldarynan osyndaı apattar jıi oryn alatyny aıtyldy. Sol sebepti elektr taratý jelisin rekonstrýktsııadan ótkizý qajet.

«Jalpy bul jelini rekonstrýktsııalaý josparlanǵan. ıAǵnı olar ártúrli dińgekterde bolýy úshin 2 bir tizbekti jeli arqyly ótkizý kerek. Bul kezek-kezekpen júzege asyrylatyn 2 ınvestıtsııalyq baǵdarlama bolady. Óıtkeni ol mıllıardtaǵan qarajatty qajet etetin joba», - dep qosty Gúlbaram Ádilǵojına.