Judyryqtaı jumyla bilgen jurttyń alar asýy bıik bolady – Máýlen Áshimbaev
«Qurmetti dostar!
Barshańyzdy Qazaqstan halqynyń birligi kúnimen shyn júrekten quttyqtaımyn!
Bul – tatýlyq pen dostyqty dáripteıtin, beıbitshilik pen kelisimdi nyǵaıtatyn jáne yrys pen yntymaqty arttyratyn mereke.
Halqymyz qashanda osy qundylyqtarǵa taban tirep, qandaı jaǵdaı bolsa da myzǵymas birliktiń ozyq úlgisin kórsetip keledi. Bıyl alapat sý tasqyny kezinde oǵan taǵy bir márte kóz jetkizdik.
Shyn máninde, judyryqtaı jumyla bilgen jurttyń alar asýy bıik bolady. Sondyqtan Prezıdentimiz Qasym-Jomart Kemeluly Toqaev Qazaqstan halqy Assambleıasynyń sessııasynda sóılegen sózinde birlik pen yntymaq memlekettik saıasattyń buljymas baǵdary bolyp qala beretinin basa aıtty. Bul rette búgingi meıramnyń máni men mańyzy aıryqsha zor ekeni anyq. Barshańyzdy merekemen quttyqtaı otyryp, elimizge amandyq, jerimizge tynyshtyq, ár otbasyna shattyq pen qýanysh tileımin!
Birligimiz jarasyp, berekemiz arta bersin!»,-delingen quttyqtaýda.