Jitiqaradaǵy 5 balanyń ólimi: 100 myńnan astam úı TJM esebine alyndy

<p>ASTANA. KAZINFORM &ndash; Tótenshe jaǵdaılar mınıstri Shyńǵys Árinov Úkimet otyrysynda Qostanaı oblysynyń Jitiqara qalasynda bolǵan tragedııanyń sebepterine toqtaldy.</p>

«Jeke turǵyn úılerde eresekterdiń balalardy qaraýsyz qaldyrýy saldarynan balalardyń toptyq ólimi oryn alady. Osyndaı oqıǵanyń biri Jitiqara qalasynda 11 qazanda boldy. Saldarynan úıde qaraýsyz qalǵan bes bala qaza tapty. Mınıstrlik atalǵan faktilerdi eskere kele, áleýmettik osal toptardy óziniń erekshe baqylaýynda ustaýda. Búginde esepte turǵan 100 myńnan astam úı bar», - dedi TJM basshysy.

Onyń aıtýynsha, atalǵan 100 myń úıdiń turǵyndaryna ákimdikter men eriktiler birlesip ataýly kómek kórsetip otyr. Órt datchıkteri ornatylyp, jylý berý júıelerin tazartylyp turady.

«Naqtyraq aıtqanda, 2021 jyldan beri 107 myńnan astam datchık ornatyldy. Olar adamdy ýly gazdan bolatyn qaýip týraly aldyn ala eskertý múmkindigin beredi. Órt datchıkteriniń iske qosylǵan 55 jaǵdaıy tirkelip, sonyń arqasynda 248 adamnyń ómiri aman qaldy», - dedi Shyńǵys Árinov.