JSDP tóraǵasy: Qazaq tilin tezirek úırenýge bar kúsh-jigerimdi salamyn

ASTANA. QazAqparat – Jalpyulttyq sotsıal-demokratııalyq partııasynyń tóraǵasy Ashat Rahymjanov qazaq tilin tezirek úırenip alý úshin bar kúsh-jigerin salatyndyǵyn aıtty, dep habarlaıdy QazAqparat tilshisi.

Aıta keterligi, búgin Ortalyq saılaý komıssııasy JSDP-nyń Májilis depýtattaǵyna kandıdattarynyń partııalyq tizimin tirkegen bolatyn. Osy is-sharadan keıingi brıfıng barysynda BAQ ókilderi partııa tóraǵasy Ashat Rahymjanovtan qazaq tilin qashan úırenetindigin suraǵan edi.

«Árıne, bul óte baıypty másele, onymen aınalysyp jatyrmyn. Qazaq tilin tezirek úırenip alý úshin bar kúsh-jigerimdi salamyn. Bul meniń ana tilim ári tilimdi bilmeıtindigim óz aldymdaǵy jeke jaýapkershiligigim», - dedi partııa tóraǵasy.

Osy rette BAQ ókilderi odan «ana tilin bilmegenińiz úshin uıalmaısyz ba?» dep saýal qoıdy.

«Árıne», - dep ol uıalatyndyǵyn bildirdi.