JSDP partııasy Úkimet basshysy laýazymynda basqa úmitkerlerdi kórgisi kelgen

<p>ASTANA. KAZINFORM &mdash; Májilistegi Jalpyulttyq sotsıal-demokratııalyq partııasy fraktsııasynyń jetekshisi, depýtat Ashat Raqymjanov palatanyń jalpy otyrysynda jańa Premer-Mınıstrdiń kandıdatýrasyn kelisý kezinde ne sebepti qalys qalǵanyn túsindirdi.</p>

«Biz kandıdatqa qarsy bolǵan joqpyz, bul joly qalys qaldyq. Bul qyzmette ekonomıkany tereńirek túsinetin, osy salany jaqsy meńgergen, osyǵan deıin ózin bul jaǵynan kórsete alǵan adamdy  kórgimiz keledi», — dedi Ashat Rahymjanov Májilistiń jalpy otyrysynan keıin tilshiler suraǵyna jaýap bere otyryp.

Jýrnalıster depýtattan bul laýazymda naqty kimdi kórgisi kelgenin surady.

«Máselen, ekonomıka salasyn jaqsy meńgergender arasynan Bozymbaev (Qanat Aldabergenuly) oryndy bolar edi dep oılaımyn. Sonymen qatar, basqarý stıli óte kúshti Jumanǵarındi (Serik Maqashuly) qarastyrýǵa bolar edi», — dep qosty depýtat.

Budan buryn habarlanǵandaı, búgin Oljas Bektenov Premer-Mınıstr bolyp taǵaıyndaldy.