Joıǵysh ushaqtar Frantsııada birneshe kentti jaryqsyz qaldyrdy

NUR-SULTAN. QazAqparat – Frantsııa áýe qorǵanys kúshteriniń «Rafal» eki joıǵysh ushaǵy eldiń ońtústik-shyǵysynda ushý synaǵyn ótkizip júrgen kezde onyń biri elektr jelisin uzip ketip, sol mańdaǵy aýyldardy birneshe saǵat jaryqsyz qaldyrdy, dep habarlaıdy QazAqparat VVS-ge silteme jasap.

Oqıǵa Provans-Alpi-Kókshil jaǵalaý aımaǵyndaǵy Le-Kastelle kenti mańynda boldy.

Áýe jandarmerııasy oqıǵany tergeýdi bastady.

Jergilikti BAQ-tyń habarlaýynsha, ushaqtar Voklıýz departamentine qarasty Oranj qalasy janyndaǵy áýe bazasynan ushyp shyqqan.

Aýyl birneshe saǵat jaryqsyz otyrdy. Qaýipsizdik maqsatynda aýylǵa baratyn joldar jabyldy.

«Oqıǵadan eshkim zardap shekken joq. Oqıǵa saldarynan ushqysh Oranj áýe bazasyna 14:11-de qonýǵa májbúr bolǵan», - dedi Frantsııa áýe qorǵanys kúshteriniń baspasóz hatshysy La Provence-ke bergen suhbaty kezinde.

Áýe qorǵanys kúshteri mundaı sırek bolatyn jaǵdaı úshin ókinish bildirdi.