Joshy han týraly serıalǵa kastıng júrip jatyr

<p>ASTANA. KAZINFORM — Qazaqstanda Shyńǵyshannyń uly Joshy hannyń ómirin baıandaıtyn alty bólimnen turatyn, tolyǵymen aǵylshyn tilindegi derekti dramalyq serıalyna ashyq kastıng jalǵasýda. Bul týraly Karga Seven Pictures kompanııasynyń baspasóz qyzmeti habarlady.</p>

Týyndyny túsirýdi Karga Seven Pictures kompanııasy Dara Prezıdenttik bastamalary qorymen birlesip qolǵa aldy.

Foto: karga7pictures

Serıaldaǵy rólderge úmitkerlerden ótinimderdi qabyldaý aıaqtaldy. Kandıdattarǵa qoıylatyn basty talaptar: jasy 8 jastan 60-qa deıingi qazaq bolýy tıis, sonymen qatar olardyń Ortalyq Azııa nemese shyǵys Azııadan shyqqany jáne aǵylshyn tilin tolyq meńgergen bolýy tıis. Budan bólek atqa mine alýy qajet.

Foto: karga7pictures

Joba ázirleýshileri serıal túsirilimin barynsha Qazaqstannyń jerinde júrgizip, oǵan otandyq kınoındýstrııa mamandary men sarapshylaryn qatystyrýǵa tyrysatyndaryn aıtady.

Foto: karga7pictures

Foto: karga7pictures

Eske salsaq, buǵan deıin Qazaqstanda Joshy han týraly serıaldyń túsirilimi jýyrda bastalatyny týraly jazdyq.

Sonymen qatar jýyrda Almatyda Shyńǵys hannyń tuńǵysh uly Joshy hannyń ómiri men murasyna arnalǵan «Joshy han. Uly Ulystyń bıleýshisi» atty kitap-albomnyń tusaýkeseri ótti.