JOO janyndaǵy áskerı kafedralardyń sany jetkilikti – Qorǵanys mınıstrligi

<p>ASTANA. KAZINFORM &ndash; Qorǵanys mınıstriniń orynbasary Shaıh-Hasan &nbsp;Jazyqbaev jyl saıyn merzimdi áskerı qyzmetke shaqyrylatyn jastardyń sanyn arttyrý týraly usynysqa jaýap berdi.&nbsp;</p>

«Ashyq aqparat kózinen alǵan aqparatym ras bolsa, jyl saıyn armııaǵa shaqyrylatyn oryn 40 myń adammen shektelgen eken. ıAǵnı, mıllıondaǵan jas armııa ómirinen tys qalady, qoldaryna qarý ustap nemese áskerı tártipti kórmeıdi. Bolashaqta merzimdi áskerı qyzmetke tartylatyn adamdardyń sanyn arttyrý josparlaryńyzda bar ma? Joǵary oqý oryndary janyndaǵy áskerı kafedralardyń sany arta ma? Osyǵan baılanysty sizdiń resmı ustanymyńyzdy bilgim keledi», - dedi Májilis depýtaty Abzal Quspan.

Mınıstrdiń orynbasary armııaǵa shaqyrylatyndaryń sanyn arttyrý úshin mınıstrliktiń shtat kestesin keńeıtý kerek ekenin aıtady.

«Merzimdi áskerı qyzmetke shaqyrylyp otyrǵandardyń sany búkil jastardy qamtı almaıdy. Sanyn arttyrý máselesi bizdiń shtattyq qurylymǵa baılanysty. Shtattyq qurylym kóbeımese, ony kóbeıte almaımyz. Kafedralarǵa kelsek, búgingi bar áskerı kafedralar qazirgi tańdaǵy geosaıası ahýalǵa baılanysty bizge áskerı oqytylǵan rezervti qalyptastyrý úshin jetkilikti», - dedi Shaıh-Hasan Jazyqbaev.