JOO túlekteriniń biryńǵaı bazasy ázirlenedi

ASTANA. QazAqparat - Elordalyq joǵary oqý oryndary túlekteriniń biryńǵaı bazasy ázirlenedi. Bul týraly búgin elorda ákimi Baqyt Sultanovtyń qatysýymen ótken Jastar isi jónindegi keńeste Astana qalalyq qoǵamdyq damý isteri basqarmasynyń basshysy Danııar Esın aıtty, dep habarlaıdy QazAqparat tilshisi.

«Jastar jylynyń ashylýyna sóz sóılegen Memleket basshysy jumys- bul adamnyń ál-aýqatynyń negizgi kózi ekendigin aıtqan bolatyn. Sondyqtan bizdiń Jol kartamyzda jastardyń eńbek yntalandyrý máselesin, jumysqa ornalasyp, eńbekpen aınalysýyna jaǵdaı jasaýǵa aıryqsha mán berilgen», - dedi ol.

Onyń atýynsha, bul úshin elordanyń barlyq saýda oıyn-saýyq ortalyqtarynda Jastarǵa kómek kórsetýortalyqtary ashylatyn bolady. Atalǵan ortalyqtarda jastardyń memlekettik qoldaý sharalarymen tanysyp, jumysqa ornalasý múmkindikterin zerdeleýine barlyq jaǵdaı jasalady.

«Osy baǵyt aıasynda biz elordalyq joǵary oqý oryndary túlekteriniń biryńǵaı málimetter bazasyn ázirleıtin bolamyz. Ol árbir áleýetti jumys berý úshin ashyqtúrde qoljetimdi jasalady», - dedi Danııar Esın.