JOO túlekteri dıplom alǵannan keıin qaı merzimde jumys tabady

<p>ASTANA. KAZINFORM &ndash; Joǵary oqý ornyn támamdaǵan jas mamandardyń óz kásibi boıynsha jumysqa ornalasýy kórsetkishine taldaý jasaldy ma? Bul suraqqa QR Ǵylym jáne joǵary bilim mınıstrliginiń Joǵary jáne joǵary oqý ornynan keıingi bilim komıteti jaýap berdi.</p>

«Qazirgi kezde oqý ornyn támamdaǵandardyń jumysqa turýy monıtorıngi QR Eńbek jáne halyqty áleýmettik qorǵaý mınıstrligi Eńbek resýrstaryn damytý ortalyǵynyń zeınetaqy aýdarymdary negizinde júzege asyrylady. Sonymen qatar, «Atameken» UKP Mınıstrliktiń tapsyrysy boıynsha jyl saıyn joǵary oqý oryndarynyń 2000 bilim berý baǵdarlamasy boıynsha reıtıng júrgizedi. 2023 jylǵy reıtıngte 2022 jyly oqýdy aıaqtaǵan túlekterdiń jumysqa ornalasý boıynsha derekteri taldanǵan. Taldaý qorytyndysynda olardyń 83 paıyzy jumysqa ornalasqandyǵy anyqtalǵan», - delingen vedomstvonyń Kazinform agenttigine bergen jaýabynda.

Sonymen qatar komıtet JOO túlekteri dıplom alǵan soń qaı merzimde jumys tabatynyn naqtylady.

«2023 jyly jasalǵan bilim berý baǵdarlamalarynyń reıtınginiń qorytyndysy boıynsha túlekterdiń dıplom alǵannan keıingi jumysqa ornalasýynyń ortasha uzaqtyǵy 2,5 aıdy quraǵan», - dep atalyp ótken vedomstvo aqparatynda.